Framvegis avmarkað flogferðsla til og úr Beirut

Flogferðslan til og úr Beirut er framvegis avmarkað.

Stór flogfeløg sum Air France og Lufthansa vilja ikki flúgva til høvuðsstaðin í Libanon, tí støðan í økinum er ov ótrygg.

Feløgini góvust fyribils við at flúgva til Beirut, tá tveir av ovastu leiðarunum í Hizbollah og Hamas vórðu dripnir og støðan gjørdist enn spentari. Tann avgerðin stendur við, og er fyribils longd til 21. august, upplýsa feløgini.

Lufthansa hevur somuleiðis steðgað allari flúgving til Tel Aviv í Ísrael, og felagið flýgur heldur ikki til Teheran í Iran, Amman í Jordan og Erbil í Irak. 

Swiss Air hevur boðað frá, at teirra flogfør ikki flúgva til Beirut og Tel Aviv, fyribils til 21. august. 

Beirut, Libanon, Flogferðsla