Longri samrøðan: Randi fer ikki heim úr Algeria uttan dóttrina

Í vikuni hava vit bæði í Degi og viku og Útvarpstíðindunum hoyrt um syndarligu støðuna hjá Randi Johansdóttir og fýra ára gomlu dóttur hennara. 

Tað, ið byrjaði sum ein hugnalig familjuferð at vitja familjuna hjá pápanum at dóttrini í Algeria, endaði sum ein marra fyri Randi Johansdóttir Abbes og dóttrina.

Brádliga vildi pápin at dóttrini, Ali, ikki loyva dóttrini heim aftur til Føroya við mammu síni. Randi kundi gott fara heim aftur til Sumbiar, men dóttirin skuldi ikki við. Fyri at vísa, at hann meinti tað í álvara, skræddi pápin passið hjá dóttrini sundur.  

Tað mesta av einum ári búðu Randi og dóttirin inni hjá pápanum at dóttrini. Men miðskeiðis í maimánaði eydnaðist tað Randi og dóttrini at flýggja úr heiminum hjá pápanum.

Síðani hava tær goymt seg ymsastaðni í Algeria.   

Her sæst ein long útgáva av samrøðuni, ið varð gjørd við Randi.