ES-lond innfluttu meira gass úr Russlandi enn úr USA

Síðani russisku innrásina í Ukraina, hevur ES keypt fyri tað mesta keypt gass úr Noreg

Fram til russisku innrásina í Ukraina í februar 2022, innflutti ES meira gass úr Russlandi enn úr nøkrum øðrum landi.

Mynd: Ritzau Scanpix

02.09.2024 - 08:50

ES-londini innfluttu í øðrum ársfjórðingi í ár meira gass úr Russlandi enn úr USA. Hetta er fyrstu ferð í tvey ár, at innflutningurin av russiskum gassi er størri enn av gassi úr USA.

Tað vísir ein kanning, sum tankasmiðjan Bruegel hevur gjørt, sambært NTB.

Innflutningurin av gassi úr Russlandi minkaði nakað samanborið við fyrsta ársfjórðing, men innflutningurin úr USA minkaði upp aftur meira.

Fram til russisku innrásina í Ukraina í februar 2022, innflutti ES meira gass úr Russlandi enn úr nøkrum øðrum landi, men síðani innrásina hevur ES keypt mest gass úr Noregi.

Kanningin vísir ikki, hvørji ES-lond hava økt um innflutningin av russiskum gassi.

Týskland, sum er størsta ES-landið, keypir sambært almennu týsku hagtølunum als onki gass úr Russlandi.