![](https://kvf.fo/sites/default/files/styles/myndasavn-width/public/apple.png?itok=nqOmEg7-)
- Tíðindi, mentan og ítróttur
Google og Apple fáa milliardabót
![](https://kvf.fo/sites/default/files/styles/grein-ovasta-mynd/public/google.png?itok=P-TF6r6W)
ES-dómstólurin hevur í dag gjørt av, at Google og Apple skulu gjalda ávikavist 18 og 97 milliardir krónur í bót, skrivar danska kringvarpið DR.
Google fær 18 milliardir krónur í bót, tí fyritøkan hevur misbrúkt sína sterku støðu millum leitiskipanir á netinum. ES-nevndin gav bótina, tí hon helt, at Google favoriseraði sína egnu tænastu til at samanbera prísir við - hon eitur Google Shopping - framum aðrar líknandi tænastur.
Google var ikki samt í hesum og skeyt avgerðina inn fyri ES-dómstólin - men fekk ikki viðhald har.
Apple hevur fingið ólógligan almennan stuðul ur Bretlandi, sigur ES-dómstólurin.
Ólógligan almennan stuðul
Bótin hjá Apple, sum er heilar 97 milliardir krónur, kemur av, at Apple-fyritøkan, sambært ES, hevur fingið ólógligan almennan stuðul úr Írlandi. Apple skal nú rinda Írlandi hesar pengarnar aftur.
Úrskurðarnir hjá ES-dómstólinum kunnu ikki kærast.
Margrethe Vestager, sum er næstforkvinna í ES-nevndini, segði á tíðindafundi í dag í sambandi við dómin, at hetta er ein sigursdagur hjá evropeiskum borgarum.