Lutakast um grundstykki

Í heyst verður lutakast um fýra grundstykki í Hamrabøi í Kollafirði.

Grundstykkini eru í útstykking frá 2017, og hetta eru stykki, sum eru latin Tórshavnar kommunu aftur. 

Tey eru millum 500 og 600 fermetrar og kosta frá 245.000 til 265.000 krónur. 

Stykkini eru ikki útgrivin og planerað.

Vera fleiri grundstykki í útstykkingini latin kommununi aftur, vera tey við í lutakastinum.

Freistin at tekna seg til lutakastið er 21. oktober í ár.