Uttanlandsnevndin tekur undir við at yvirtaka Íleggingargrunnin

Uttanlandsnevndini nýttist bara ein fund til uppskotið hjá løgmanni um at yvirtaka Íleggingargrunnin.

Og nevndin tekur undir við uppskotinum.  

Yvirtøkan verður 1. januar 2025.

Talan er um ríkislógartilmæli, tí lógin um grunnin er donsk.

Føroysk umsiting

Síðani miðskeiðis í 70-árunum hava føroyingar umsitið Íleggingargrunnin við einum stýri, har landsstýrið tilnevnir formannin ella forkvinnuna og limirnar í stýrinum og ásetir nærri reglur um, hvussu grunnurin skal rekast.

Einki verður sagt um, hvussu pengarnir í grunninum skulu brúkast, tá hann er yvirtikin.

Galdandi lóggáva um grunnin verður verandi í gildi, til føroyskir myndugleikar vilja broyta ella avtaka hana. 

Tað merkir eisini, at verandi stýri verður sitandi.

Ogn grunsins er 653 mió. kr.