- Tíðindi, mentan og ítróttur
Makrelur og WTO-limaskapur á skránni
<p>Hósdagin 13. september fara løgmaður og danski uttanríkisráðharrin at hava sín árliga fund. Hesa ferð verður fundurin í Vestmanna. </p><p>Á skránni eru m.a. makrelósemjan og ynski um føroyskan limaskap í WTO. Løgmaður og uttanríkisráðharrin fara eisini at viðgera samskiftið millum donsku stjórnina og landsstýrið á uttanríkis- og trygdarpolitiska økinum, og hvussu Føroyar fáa betri møguleika at røkja egin áhugamál í millumtjóða felagsskapum. <br></p><p>Hósdagin skal uttanríkisráðharrin eisini á fund við Løgtingsins uttanlandsnevnd. Hetta er fyrstu ferð, at Villy Søvndal vitjar Føroyar sum danskur uttanríkisráðharri.</p><p><br></p>
