Nýggir mans á brúnni

Nýggir mans á brúnni
Boban Ilic er aftur venjari hjá kvinnunum í Mjølni, har hann hevur eina gullrandaða fortíð. Málið er finalurnar. Tað er tað eisini hjá KÍF, sum eisini hevur nýggjan venjara
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
01.10.2024 - 10:00

Boban Ilic er aftur í Klaksvík.

50 ára gamli serbin var venjari hjá Mjølnir-kvinnunum, tá tær vunnu greipuna trý ár á rað frá 2010 til 2013.

Mansliðið hjá Mjølni hevur vunnið nógv tey síðstu árini, men kvinnurnar hava ikki verið heilt frammi í oddinum í nøkur ár. Nú er málið aftur at kappast um fínasta metallið.

 - Eg havi altíð sama mál um eg venji ella spæli sjálvur. Tú skalt spæla so væl sum yvirhøvur gjørligt og royna at røkka finalunum, og so ræður um at vera til reiðar, sigur Boban Ilic.

 - Vit fara eftir at blíva nummar eitt, tað haldi eg altíð, at mann skal, men vit eru eisini realistiskar og taka ein dyst í senn. So fáa vit at síggja, hvat tað endar við, sigur Amanda Niclassen.

 

KÍF eisini nýggjan mann á brúnni

Kvinnurnar í Kollafirði hava eisini nýggjan venjara. Arthur Djurhuus Poulsen er nýggjur á brúnni í KÍF, og hann hevur eisini sett greið mál.

 - Okur skulu spæla um medaljur. Longri er tann søgan ikki. Eg eri her fyri at vinna, og tað er málið, sum eg havi sett saman við kvinnunum, sigur Arthur Djurhuus Poulsen, sum var venjari hjá TB-kvinnunum í fjør.

 - Arthur er ein ordiliga góður venjari, og eg haldi, at nógvar hava tikið seg mega nógv fram, meðan vit hava havt Arthur, og eg haldi , at tað blívur bara betri og betri fyri hvørja venjing, sigur Ása Torkilshøj úr KÍF.

Breið semja tykist vera um, at Fleyr er sterkasta liðið í deildini í løtuni, meðan Dráttur skal byggja upp av nýggjum. Ímillum har sær út til, at kappingin kann gerast spennandi millum SÍ, Mjølnir, KÍF og TB.

 
Er kopiera
Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180