Semja ger skattatrýst størri

Havbúnaðarfelagið heldur framvegis, at breiða semjan um tøkugjald og eykaskatt á alivinnuna millum samgonguflokkarnar og Sambandsflokkin ikki er eitt stig rætta vegin. Tvørturímóti. 

Tað sigur felagið í hoyringarskrivi um uppskotið um eykaskatt, átta prosent, á alifeløg.

Landsstýrið skjýtur upp, at alifeløgini gjalda eykaskatt av tí partinum av skattskyldugu inntøkuni, sum stavar frá virkseminum, tað er frá smoltframleiðslu til sjógvaaling og tøku. 

Havbúnaðarfelagið sigur, at hesin skatturin ger skattatrýstið á alivinnuna nógv størri.

Ein skipan, sum byggir á vinning, gevur størri tryggleika og stimbrar hugin at gera íløgur og nýskapanir, sigur Havbúnaðarfelagið.