Fólkið Í Moldova er fyri ES

Nú er greitt, at fólkið í Moldova hevur atkvøtt ja fyri ES.

Men meirilutin var tepur, 50,39 prosent, váttar forsetin, Maia Sandu.

Forsetin vildi hava undirtøku fyri ætlan síni um at lima Moldova inn í ES og venda Russlandi bakið. 

Forsetaval var eisini í Moldova í gjár, 

Maia Sandu

Maia Sandu á forsetavali í gjár. (Mynd: AFP/Ritzau Scanpix)

Maia Sandu sigur, at valsvik er framt, tí brotsmenn hava roynt at keypa sær 300.000 atkvøður við útlendskari hjálp.

Neyðugt verður við einum valumfari aftrat, tí Maia Sandu fekk ikki neyðugu 50 prosentini av atkvøðunum á forsetavalinum í gjár. 

Seinna valumfar verður 3. november, og tá stendur valið millum Sandu og pro-russiska valevnið,  Alexandr Stoianoglo.