- Tíðindi, mentan og ítróttur
Viðmerkjari: Býráðsvalið er ikki longur eitt val um Heðin Mortensen
Viðmerkjari: Býráðsvalið er ikki longur eitt val um Heðin Mortensen
Stór sannlíkindi er fyri, at Javnaðarflokkurin missir borgarstjórasessin í Tórshavnar býráð, sigur Ingi Sanuelsen, redaktørur
Politiskur viðmerkjari heldur, at stór sannlíkindi eru fyri, at Javnaðarflokkurin missir borgarstjórasessin í Tórshavnar býráð eftir valið.
Mynd: Bjarni Árting Rubeksen
04.11.2024 - 13:37
- Heðin Mortensen hevur mist valdið í Javnaðarflokkinum, og tað merkir, at býraðsvalið í Havn ikki longur er eitt val um Heðin Mortensen ella ikki.
Tað sigur Ingi Samuelsen, redaktørur á Vikuskiftisblaðnum hjá Portal.fo, sum hevur kunngjørt veljarakanning hjá spyr.fo.
Hann sigur, at orrustan í Javnaðarflokkinum, sum endaði við, at fýra býráðslimir hjá flokkinum nú stilla upp fyri Kommunulistan, fer at kosta.
Stór sannlíkindi eru fyri, at Javnaðarflokkurin missir borgarstjórasessin í Tórshavnar býráð eftir valið, sigur Ingi Samuelsen.
Sambært kanningini hjá spyr.fo fær Elsa Berg flestar atkvøður á listanum hjá Tjóðveldi til býráðsvalið í Havn. (Mynd: Gilli Brend í Hoyvík)
Tjóðveldi og Javnaðarflokkurin størstir
Kanningin hjá spyr.fo vísir, at Tjóðveldi og Javnaðarflokkurin fáa hvør síni trý umboð í býráðið.
Fólkaflokkurin, Sambandsflokkurin og Kommunulistin fáa tveir sessir í part, meðan Borgaralistin fær ein sess.
Hvørki Framsókn ella Miðflokkurin fáa umboð í býráðið, vísir kanningin.
Hoyr samrøðu, sum Sigurjón Einarsson gjørdi við Inga Samuelsen, sum var gestur í útvarpsstovuni í tíðindunum á middegi:
04112024_Ingi_um_veljarakanning
Er kopiera
Nýggjastu sendingar í ÚV
Nýggjastu sendingar í SV
