Epilepsi er ein sjúka, sum fleiri ikki vilja viðurkenna

Í Epilepisfelag Føroya eru góðir 70 limir, men roknað verður við, at um 400 føroyingar hava epilepsi.

Tað er tíverri so, at fleiri ikki vilja viðurkenna sjúkuna, sigur Randfríð Sørensen, næstforkvinna.

Grundirnar kunnu eitt nú vera, at ein møguligur arbeiðsgevari sær tað sum ein vansa, um arbeiðstakari hevur epilepsi.

Randfríð Olsen vísir tó á, at tað er ein fyirmunur, um fólk í nærumhvørvinum eru kunnað, tí so eru tey klár at handfara støðuna, um epilepsi-herðindi koma á viðkomandi.

Í flestu førum kann heilivágur halda sjúkuni niðri, men tá hann ikki munar, kunnu broyttir kostvanar hjálpa.

Aimi Justinussen, sum lesur mýlavísindi, er við í nýggjari epilepsi-granskingarverkætlan.

Ætlanin er at kanna, um góðar tarmbakteriur kunnu hava gagnliga ávirkan á epilepsi.

Í næstum fara tey at leita efitr føroyingum, ið vilja vera við í verkætlanini.

Temadagurin er á Hotel Hafnia í morgin, leygardagin 9. november, frá klokkan 14 til 18.