Ætla at brúka seinastu fíggingina til Ukraina, áðrenn Trump tekur við

Hvítu húsini í Washington ætla at brúka seks milliardir dollarar - tað, sum er eftir av fíggingini til Ukraina, áðrenn Donald Trump verður tikin í eið sum forseti í januar. 

Tað segði amerikanski trygdarráðgevin, Jake Sullivan, í gjár. 

Hann segði seg samstundis stúra fyri, hvørjar avleiðingarnar vera, um USA gevst við at veita Ukraina stuðul.

Joe Biden, forseti, fer mikudagin at hitta Donald Trump, og tá fer Biden at gjøgnumganga týdningarmestu uttanríkispolitisku spurningarnar í Evropa, Asia og Miðeystri.

USA hevur staðið á odda fyri altjóða samgonguni, sum stuðlar Ukraina í krígnum móti Russlandi. 

- Eitt av aðalmálunum hjá Biden seinastu mánaðirnar er at seta Ukraina í sterkastu støðu á hermótinum, soleiðis at Ukraina at enda er í so sterkari støðu sum til ber við samráðingarborðið, segði Sullivan.