Netanyahu tosað tríggjar ferðir við Trump

Ísraelski forsætisráðharrin Benjamin Netanyahu sigur, at hann hevur tosað við komandi amerikanska forsetan, Donald Trump, tríggjar ferðir seinastu dagarnar.

Tað skrivar Reuters.

- Tað vóru sera góðar og týdningamiklar samrøður, sigur Netanyahu.

Hann heldur, at teir eru samdir í spurningum um iransku hóttanina móti Ísrael.

- Vit síggja eisini stórar møguleikar hjá Ísrael í sambandi við frið og menning, sigur Netanyahu sambært Reuters.