Fyrsta valstaðið talt upp: Borgarstjórin fekk flestar atkvøður í Fámjin

Fyrsta valstaðið er talt upp, og í Fámjin eru atkvøðurnar nú klárar. 

Jóanis Lisberg, sum hevur verið borgarstjóri seinastu 8 árini, fekk flestar atkvøður. Hann var uppstillaður á lista A og fekk 25 atkvøður av teimum 72 atkvøðunum.

Næstflestar atkvøður fekk Aslaug Frígerð í Smiðjuni, sum var uppstillað á lista B. Hon fekk 16 atkvøður. 

Arni Henry Teindal á lista A fekk 15 atkvøður.

Listi A fekk í alt 55,6 % av atkvøðunum, og tað var nokk til tvey umboð í bygdarráðnum, meðan listi B fekk 44,4 % prosent av atkvøðunum, og tað var nokk til eitt umboð í bygdarráðnum. 

Sostatt verður bygdarráðið í Fámjin, sum telur tríggjar limir, mannað av teimum trimum Jóanisi Lisberg, Arna Henry Teindal og Aslaug Frígerð í Smiðjuni.

Tú sært valúrslitini á heimasíðu okkara, trýst her.