- Tíðindi, mentan og ítróttur
Skipa meiriluta í Klaksvík uttan um Fólkaflokkin
Skipa meiriluta í Klaksvík uttan um Fólkaflokkin
Sambandsflokkurin, Javnaðarflokkurin, Tjóðveldi og Sjálvstýri hittast klokkan 10 at skriva samgonguskjal
Karl Johansen fekk flestar atkvøður á kommunuvalinum í Klaksvík í gjár, og ætlar sær at halda fram sum borgarstjóri í nýggja meirilutanum.
Mynd: Bjarni Árting Rubeksen
13.11.2024 - 09:35
Hóast Fólkaflokkurin gjørdist størstur í Klaksvík á kommunuvalinum í gjár, verður nú skipaður meirluti uttan um Fólkaflokkin.
Tað skilja vit á Karl Johansen, borgarstjóra, tá vit fingu orðið á hann í morgun.
- Meirluti verður skipaður við Sambandsflokkinum, Javnaðarflokkinum, Tjóðveldi og Sjálvstýri, og vit hittast kl 10 at skipa okkum og skriva samgonguskjal, sigur hann.
Spurdur, hvør verður borgarstjóri, er svarið greitt: "Eg", sigur Karl Johansen.
Teir fýra flokkarnir í nýggja meirilutanum hava tilsamans seks býráðslimir.
Fólkaflokkurin hevur fimm býráðslimir
Meira verður at frætta í tíðindunum kl 12.20.
Er kopiera
Nýggjastu sendingar í ÚV
Mikudag 17. desember
Kultura - Jólakonsert við Jólaklingur og jólaframsýningin Jól hjá Thomsen
201665
Nýggjastu sendingar í SV
