Brimil til 25 ára klassing næsta summar

Næsta ár skal Brimil hava 25 ára klassing. Klassingin krevst, so Brimil kann sigla. 

Í fíggjarlógini fyri komandi ár, eru slakar níggju milliónir krónur settar av til arbeiðið.

Brimil fer væntandi at liggja í 10 vikur, meðan klassingin fer fram, og tá verður Tjaldrið álitið.

Tjaldrið liggur helvtina av árinum 
Fiskivinnu- og Samferðslumálaráðið sigur, at sannlíkindini fyri, at Tjaldrið endaliga verður lagt vegna brek gerast størri hvønn dag.

At bara hava eitt skip tøkt er vanligt hjá Vørn í dag. 

Síðan 2010 hevur Tjaldrið bert havt eina manning, so skipið liggur helvtina av árinum.

Mælt verður annars til at fyrireika nýtt Tjaldur næsta ár, so tað er liðugt í 2027 ella 2028. 

Roynt verður so at halda Tjaldrið virkið til tá, sigur Fiskivinnu- og Samferðslumálaráðið.