Landsstýrismálanevndin fund í næstu viku

Landsstýrismálanevndin hevur fund í næstu viku.

Landsstýrismálanevndin bíðar enn eftir uppriti frá umsitingini hjá løgtinginum um kæruna um Dennis Holm, landsstýrismann.

Men tað er á veg, hevur nevndin fingið at vita, sigur Hans Jacob Thomsen, formaður í landsstýrismálanevndini.

Árni Skaale, løgtingstingmaður, kærdi Dennis Holm um svartkjaftabýtið. Tað var 5. mai.

Dennis Holm læt 35.000 tons av svartkjafti sum felagskvota við hámarki. 

MEGD kært um hoyringar

Og nevndin hevur fingið eitt mál aftrat.

MEGD hevur klagað landsstýrið fyri ikki at senda lógaruppskot til hoyringar, áðrenn tey fara í løgtingið.

Felagið sigur, at landsstýrið í heilum sendir lógaruppskot í løgtingið, sum taka rættindi frá fólki við breki, uttan at hoyra avvarðandi feløg og útgreina avleiðingarnar.

Megd sigur, at tað er ikki bara hendan samgongan, men eisini undanfarnar samgongur, sum hava skundað mál ígjøgnum uttan hoyring.