Liðskiparin: "Tilknýtið er vorðið sterkari"

Pernille Brandenborg er liðskipari á føroyska hondbóltslandsliðnum, sum fríggjadagin setir hol á søguligt EM-endaspæl við dysti ímóti Sveis í St. Jakobshalle í Basel.

Sterka strikan hevur spælt 43 ferðir, síðan hon var spurd, um hon hevði hug at spæla fyri føroyska landsliðið fyri skjótt 10 árum síðan.

Pernille Brandenborg er uppvaksin í Danmark, har hon hevur fingið sín hondbóltsuppvøkstur, men hon hevur føroyska mammu og hevur verið í Føroyum hvørt summar ígjøgnum barnaárini.

 - Tað var stórt at koma á føroyska landsliðið. Eg havi fingið sterkari tilknýti, haldi eg sjálv, eftir at vera komin á landsliðið, tí eg havi fingið nógv nýggj vinarbond. Eg skilji málið nú, og eg eri nógv í Føroyum, næstan meir enn heima hjá mammu og babba, tá eg havi frí. Eg kenni meg sera erna av at vera partur av føroyska landsliðnum, sigur Pernille Brandenborg. 

Hoyr meir frá føroyska EM-liðskiparanum í innslagnum omanfyri.