Vilja hava fasta játtan til útlendskar vitjanir

Løgmansskrivstovan vil hava eina fasta játtan til almennar vitjanir uttaneftir.

Tað hevur fíggjarnevndin hjá løgtinginum fingið at vita frá Løgmansskrivstovuni.

Løgmansskrivstovan hevur biðið um 800.000 kr. til almennar vitjanir í uppskotinum um fíggjarlóg fyri 2025.

Tær skulu brúkast til kongsvitjanina, sum var útsett í fjør, og til ríkisfundin, sum verður í Føroyum næsta ár.

Møguliga verður onkur størri almenn vitjan aftrat næsta ár, sigur Løgmansskrivstovan.

Løgmansskrivstovan sigur, at hon fer væntandi í broytingaruppskoti landsstýrisins til fíggarlógaruppskotið at koma við uppskoti um hetta, tað er at biðja um fleiri pengar til almennar vitjanir.