Maskimeistarafelagið og KAF: Nú er veitingartrygdin hjá SEV í vanda

Einki hendir í samráðingunum millum Maskinmeistararnar og Kommunala arbeiðsgevarafelagið. 

Sáttmálin við Kommunala arbeiðsgevarafelagið fór út gildi í oktober 2022.

Maskinmeistarafelagið krevur arbeiðstíðarreglur fyri maskinmeistararnar hjá SEV.

- Arbeiðsgevarin skal ikki leggja hald á arbeiðstíðina hjá starvsfólkið yvir alt samdøgrið og yvir alt árið, sum SEV ger.

Tað sigur Arnfinn Bech, formaður í Maskinmeistarafelagnum.

Maskinmeistarar siga upp og aðrir eru hildnir uppat við at taka telefonina, sigur formaðurin í Maskinmeistarafelagnum

Tað merkir í síðsta enda, at SEV kann fáa trupult við at liva upp til sína veitingarskyldu.

Umleið 40 limir í Maskinmeistarafelagnum arbeiða hjá SEV og IRF, - av teimum tveir-triðjingar hjá SEV. 

Maskinmeistararnir handaðu annars krøvini í februar í ár, og síðan tá hava fimm samráðingarfundir verið, arbeiðsbólkur er mannaður og semingsroynd hevur eisni verið, men hon bar ikki á mál, sigur Arnfinn Bech, formaður í Maskinmeistarafelagnum.