Beinir spælir í "DR's store juleshow" leygarkvøldið

Fyrst framførdi hann á stóru trappuni inni í Christiansborg í sambandi við, at danir hátíðarhildu 150 ára dagin fyri, at danska grundlógin varð undirskrivað.

Síðani dagaði hann fram beinleiðis í stóru donsku undirhaldssendingini "Vild med dans" á TV2.

Og leygarkvøldið sleppur Beinir enn einaferð beint inn í stovurnar hjá dønum í bestu senditíð á DR, tá hann er við í stóru jólasendingini hjá DR, ið ber heitið "DR's store juleshow". 

Í góðum selskapi

Upptøkurnar til "DR's store juleshow" blivu gjørdar seinasta leygardag í konserthúsinum hjá DR, har Beinir var ein av 14 sangarum, ið sleppa at framføra sama synfoniorkestrinum og kórinum hjá Danmarks Radio. 

Millum tey, ið eisini framførdu, vóru Pernille Rosendahl, Jonah Blacksmith og danska Grand Prix-vinnaranum í ár, Saba,

Árliga stóra jólakonsertin hjá DR varð hildin tveir ferðir í DR Konserthúsinum fyri meiri enn 3000 áhoyrarum.

Tað er seinna jólakonsertin, ið varð tikin upp, og sum verður send nú leygarkvøldið 14. desember.

Greener

2024 hevur tískil verið eitt sera hendingaríkt hjá unga runavíkinginum, sum í heyst gav út plátuna "Greener".

Í tí sambandi hevur Beinir eisini verið á einari konsertferð í Føroyum, Danmark og Týsklandi í sambandi við, at hann í heyst útgav debutplátuna "Greener". 

Beinir var eisini gestur í sendingini LEITISSTEIN í sambandi við útgávuna av "Greener". 

Beinir Troest, Uni Leitistein, Leitistein, Kringvarp Føroya

Frítekst tagging: 

Beinir Troest

Uni Leitistein

leitistein

Kringvarp Føroya

Bjarni Árting Rubeksen

Beinir og Uni Leitisstein Hansen í sendingini Leitisstein (Mynd: Bjarni Árting Rubeksen)

Øll LEITISSTEIN-sendingin við Beinir kann hoyrast á KVF Ljóð og her niðanfyri.