Franski umhvørvisráðharri fegnast um, at Paul Watson nú er leyslatin

Í Fraklandi fegnast tey um, at umhvørvisaktivisturin, Paul Watson, er latin leysur í Grønlandi.

Franski umhvørvismálaráðharrin, Agnés Pannier-Runacher, hevur gjørt viðmerkingar til leyslatingina á sosiala miðlinum, X.

- Áh tann lætti, skrivar hon og ynskir samstundis Watson góða ferð heim til Fraklands, har hann býr saman við familjuni.

Paul Watson

Paul Watson varð handtikin í Nuuk 21. juli í ár, tí Japan vildi hava hann handtiknan og settan fyri rættin fyri eina hending við Antarktis í 2010, har skip og manning hjá Watson royndu at steðga japanskari hvalaveiðu. 

Paul Watson fongslaður í Grønlandi

Handtøkan av Paul Watson hendi eftir eitt tipp frá løgregluni í Føroyum, sum í fleiri ár hevur ligið í stríði við umhvørvisatgerðarmannin, sum hevur roynt at steðga lógliga grindadrápinum.  

Paul Watson fongslaður í Grønlandi

Paul Watson var á veg til Japan við skipinum John Paul DeJoira at leggja seg út í hvalaveiðuna, nú Japan hevur sjósett nýtt skip til endamálið.

Paul Watson leyslatin í Grønlandi

Seinastu fimm mánaðirnar hevur Watson sitið varðfongslaður í Grønlandi, men í morgun varð hann so leyslatin.

Paul Watson leyslatin í Grønlandi