Trupult at sløkkja eldarnar

Tað heldur á at brenna í Los Angeles, og aftur nú er nógvur vindur, sum ger, at trupult er at sløkkja og eldurin breiðir seg skjótari.

Í løtuni eru seks ymiskir stórir eldar í økinum.

Sambært Washington Post hava 16 fólk latið lív, 12 túsund bygningar eru oyðilagdir ella hava fingið skaða og 13 fólk eru saknaði.

Ein trupulleiki, sum myndugleikarnir í økinum hava fingið oman á tað heila er, at brotsmenn eru farnir at lata seg í sum sløkkiliðsfólk og stjala innan úr brendu húsunum. Higartil hevur løgreglan handtikið 22 fólk fyri slíkan stuldur.

Tað var týsdagin, at tað byrjaði at brenna í Los Angeles.