Revsitiltøk móti Meksiko útsett

Ógvusligu hóttanirnar um amerikanskan revsitoll á vørur úr Meksiko, eru nú tiknar aftur - fyribils í hvussu er.

Donald Trump, forseti í USA og Claudia Sheinbaum, forseti í Meksiko, hava tosað saman seinnapartin. Og seinnapartin legði Donald Trump eina dagføring á sín vanga á Truth Social, sum Trump eigur. Har skrivar hann, at hann er vorðin samdur við meksikanska forsetan um at útseta revsitoillin á meksikanskar vørur í ein mánað.

Samstundis boðar meksikanski forsetin frá, at avtala er gjørd við USA um at senda 10.000 hermenn frá tjóðarhirðuni til amerikanska markið. Claudia Sheinbaum sigur, at hetta verður gjørt fyri at steðga smuglingini av rúsevninum fentanyl.