Byggiloyvið til Argju kirkju fyri næsta býráðsfund

Byggiloyvið til Argja kirkju kemur á skránna fyri næsta býráðsfund í Havn, sum verður 27. februar.

Elsa Berg, borgarstjóri, sigur, at øll skulu hoyrast. 

Hon fæst tó ikki at siga, at avgerðin hjá Føroya Kærustovni, um at senda málið aftur á Vaglið til nýggja viðgerð, verður høvið til at flyta nýggju kirkjuna. 

Elsa Berg

Elsa Berg, borgarstjóri. 

Lógir og reglur skulu fylgjast, og grannarnir hjá nýggju kirkjuni á Argjum skulu nú partshoyrast.

Nakrir grannar kærdu í apríl í fjør, og Føroya Kærustovnur hevur avgjørt at vísa málinum aftur til nýggja viðgerð.

Kommunan hevur ikki hildið fyrisitingarlógina og partshoyrt næstu grannarnar. Kommunan skal tí viðgera málið av nýggjum og hoyra grannarnar, sigur Kærustovnurin.

Kirkjuráðið á Argjum gjørdi stutt fyri jól sáttmála við byggifelagið Kanjon um at byggja nýggju kirkjuna við Sandá, og tá varð sagt, at arbeiðið skuldi byrja 5. mars. 

Hoyr innslag í útvarpstíðindunum: