Vestanlond keypa nógvan fisk úr Russlandi

Hóast lond í Vesturheiminum ikki vilja vita av Russlandi, keypa tey nógvan fisk haðani.

Í 2023 vóru 98.000 tons av russiskum fiski innflutt til lond í ES, skriva Eyjafrettir.is, sum brúka norska Fiskeribladet og Barents Observer sum keldur.

Eisini Noreg keypir nógvan fisk úr Russlandi og meira nú enn fyrr, serliga stórur var innflutningurin av toski í fjør.

Norski havnarstongsulin umfatar ikki skip, sum koma til Noregs við fiski, skriva Eyjafrettir.is.

ES krevur 12 prosent í tolli av russiskum fiski. Bretland krevur 35 prosent.

Men fiskur, sum Noreg keypir úr Russlandi, og síðani útflytur aftur til ES, er tollfríur.

Og heldur eingin tollur er á russiskum fiski í Noregi.

Síðani Russland leyp á Ukraina, er innflutningurin av russiskum fiski hjá ES vaksin 19 prosent. 

Frá mars 2022 til september 2024 hava lond í ES keypt fisk úr Russlandi fyri 15,5 milliardir krónur.