Oyggjaleikir krevja umvælingar og nýgerðir

Tórshavnar kommuna sigur, at Oyggjaleikirnir í 2027 fara at kosta henni pengar til umvælingar og nýgerðir.

Gundadalshøllin er í ringum standi. Og ábendingar eru um, at rennibreytin, sum er frá 2008, er slitin.

Tveir tennisvøllir eru í Gundadali, men kravið er, at tríggir vøllir skulu vera.

Flestu hallirnar eru sera nógv brúktar og slit sæst á teimum. 

Tí má nøktandi orka setast av til viðlíkahaldsarbeiði, so hallirnar eru nossligar, tá ið oyggjaleikirnir vera, sigur kommunan.

Í fyrsta umfari skal býráðið lata eina millión krónur í eykajáttan til at samskipa arbeiðini saman við teimum, sum varða av Oyggjaleikunum, og til ráðgeving. 

Fyrra viðgerðin verður á býráðsfundinum í dag.