Sirið Stenberg øtast

"Man øtast! At síggja fundin í kvøld var veruliga at uppliva hvussu djúpt alt kann søkka. Hvussu skjótt tað er at missa virðini vit grundað okkara samfelag og samstarv á, og hvussu neyðugt tað er at standa saman við Ukraina".

Hetta skrivar Sirið Stenberg, forkvinna í Tjóðveldi, eftir hendingarnar í Hvítu Húsunum í dag, har ukrainski forsetin, Volodymyr Zelenskyy, bleiv niðurgjørdur fyri rullandi myndatólum av amerikanska forsetanum, Donald Trump, og varaforsetanum, J.D. Vance, tá hann var komin til USA at gera avtalu um, at USA kundi gangnýta serligan málm í Ukrainsku undirgrundini.

Flestu evropisku leiðarar hava tikið frástøðu frá atburðinum hjá Donald Trump og vísa ukrainska forsetanum, Volodymyr Zelenskyy, fullan stuðul.