Innfluttu 400.000 tons av gróti og sandi

Tað skuldi ikki verið neyðugt, vildi onkur sagt, men Føroyar innflyta grót.

Og tað ikki so lítið heldur. 

Vit innflyta nærum 400.000 túsund tons av gróti og sandi, skrivar Hagstovan.

Og innflutningurin er vaksin 72.000 tons, góð 22 prosent. 

Hagstovan hevur kunngjørt, hvussu nógv Føroyar innfluttu frá februar í fjør til januar í ár.

10 milliardir

Innflutt var fyri 10,1 milliard, tíggju prosent minni enn frá februar 2023 til januar 2024..

Minkingin í innflutninginum stavar í høvuðsheitum frá minni innflutningsvirði á brennievni.

Tað er minkað 203 milliónir krónur.

Nógv minni er innflutt úr Norðuramerika, tí minni heilivágur, og færri teknisk tól og akfør koma úr USA. 

Og skifti er frá ES til Evropa annars, tí nú kemur oljan úr Noregi í staðin fyri úr Niðurlondum.