- Tíðindi, mentan og ítróttur
FNU hevur sett aðalskrivara
FNU hevur sett aðalskrivara
Fía Niclasen fer frá sum næstforkvinna í FNU á næsta aðalfundi, og tekur við starvinum sum aðalskrivari 1. mai.
Fía Niclasen er sett sum aðalskrivari í FNU.
18.03.2025 - 09:33
Føroya náttúru- og umhvørvisfelag hevur sett Fíu Niclasen sum aðalskrivara.
Tað hevur felagið gjørt, tí tað hevur fingið stuðul til eina fýra ára verkætlan frá Aage V. Jensen Naturfond.
Fía Niclasen hevur eina BSc í Management with Entrepreneurship frá Goldsmiths University í London og eina MSc í Environmental Technology frá Imperial College London.
Umframt hetta hevur hon royndir í verkætlanarleiðslu, náttúru- og umhvørvisátøkum og altjóða og norðurlendskum samstarvi, skrivar FNU í tíðindaskrivi
Fía Niclasen hevur verið virkin í FNU í trý ár.
Hon hevur staðið á odda fyri fleiri átøkum hjá felagnum.
Hon fer frá sum næstforkvinna í FNU á næsta aðalfundi, og tekur við starvinum sum aðalskrivari 1. mai.
Er kopiera
Nýggjastu sendingar í ÚV
Nýggjastu sendingar í SV
