Hýruvognsførari ónøgdur nú Klaksvíkar kommuna umsitir hýruvognsloyvini

Magni Fles, ið koyrir hýruvogn í Klaksvík heldur lítið um tað, at hýruvognsreglugerð fyri Klaksvíkar kommunu er komin í gildi, so tað nú er kommunan, sum umsitur hýruvognsloyvini.

Nú er tað býráðið í Klaksvík, sum gevur hýruvognsloyvi í kommununi. Talan er um eitt loyvi til ein hýruvogn, og loyvið kann takast aftur, um tað ikki er í brúk í tríggjar mánaðir.

Magni Fles sigur, at kommunan hevur áður umsitið hýruvognsloyvini í kommununi, men tað hevði við sær, at fleiri hýruvognsførarar góvust við at koyra hýruvogn. 

Magni Fles heldur, at tað er óneyðugt hjá kommununi at umsita hýruvognsloyvini, tí nú eru tað so fáir hýruvognsførarar eftir í Klaksvík.