Verður verandi í Javnaðarflokkinum

Kristin Michelsen verður verandi í Javnaðarflokkinum. Tað er greitt, eftir at tingmaðurin og floksleiðslan hava havt fund seinnapartin í dag.

- Vit eru vorðin samd um at líta frameftir, sigur Kristin Michelsen í stuttari viðmerking við útvarpið fyri lítlari løtu síðani.

Spurdur, um hann og leiðslan nú eru vorðin samd um linjuna í flokkinum, og um tey eru samd um, hvørja støðu flokkurin hevur til uppskotið um at broyta hjúnarbandslógina, sigur Kristin Michelsen, at hann ikki hevur fleiri viðmerkingar.