Hægstirættur: Varðhaldsfongslingin av Watson var í lagi

Hægstirættur hevur tikið støðu til kæruna, um at Landsrætturin í Grønlandi ferð eftir ferð staðfesti avgerðina hjá rættinum í Grønlandi at varðhaldsfongsla Paul Watson.

Hann var í varðhaldinum í Nuuk frá 21. juli til 17. desember í fjør.

Hægstirættur staðfestir, at treytirnar hjá rættinum í Grønlandi og Landsrættinum í Grønlandi fyri varðhaldi vóru loknar í samsvari við krøvini í grein 5 í Mannarættindasáttmálanum.

Paul Watson varð handtikin í Nuuk eftir áheitan frá Japan, og sum vil hava Watson, ið er ímóti hvalaveiði, útflýggjaðan fyri eina hending í Antarktis í 2010. 

Japan skuldsetir Paul Watson fyri at hava framt atsókn at  japanskum hvalaveiðifólkum. Eitt hvalaveiðifólk skaða í atsóknini.

Verjarnir hjá Watson undraðust undir rættarmálinum á, um tað stóð mát við ákærurnar at leingja varðhaldið hjá Watson, meðan myndugleikarnar viðgjørdu áheitanina frá Japan um útflýgging.

Hægstirættur skrivar um tað: - Hægstirættur staðfestir, at handfaringin hjá danska Løgmálaráðnum í málinum mátti metast at vera framd á rímiligan hátt.

- Samsvarandi hesum, og við atliti at umstøðum fyri varðhaldsfongsling, verður varðhaldsfongslingin ikki mett at vera óproportionel, sigur Hægstirættur.