- Tíðindi, mentan og ítróttur
Tollstríð: Kina fer ikki at bakka fyri Trump
Tollstríð: Kina fer ikki at bakka fyri Trump
Amerikanski forsetin hevur lagt 50 prosent í tolli aftrat á kinesiskar vørur, sum verða innfluttar í USA
Xi Jinping, forseti, ætlar ikki at bakka fyri amerikanska forsetanum í málinum um risastórar tollhækkingar.
Mynd: Ritzau Scanpix
08.04.2025 - 11:45
Kinesiski forsetin, Xi Jinping, fer ikki at bakka fyri revsitollinum hjá Trump, sum hevur lagt 50 prosent í tolli aftrat á kinesiskar vørur, sum verða innfluttar í USA.
Tað boðaði talsfólkið hjá kinesisku uttanríkisráðnum, Lin Jian, frá í dag.
Lin Jian, talsmaður hjá kinesiska uttanríkisráðnum. (Mynd: AP)
- Kinesarar elva ikki til trupulleikar, og teir eru heldur ikki bangnir fyri tí. Trýst, hóttanir og penganoyðsla eru ikki rætti mátin at fáast við Kina. Kina tekur sjálvandi neyðug stig fyri at tryggja síni lógligu rættindi og áhugamál. Um USA vanvirðir áhugamál hjá báðum londum og altjóða samfelagnum, og heldur fast við at fara undir tollstríð og handilsstríð, so fer Kina at stríðast til tað síðsta, segði kinesiski talsmaðurin.
Hart móti hørðum
Stýrið í Kina og og leiðslan kinesiska kommunistaflokkinum er sannført um, at USA í roynd og veru roynir at máa støðið undan kinesiska búskapinum.
- Tað verður sett hart ímóti hørðum, sigur korrespondenturin hjá danska TV2 í Asia, Casper Wichmann:
08042025_Casper_Wichmann
Er kopiera
Nýggjastu sendingar í ÚV
Nýggjastu sendingar í SV
