Eingin vinnur eitt tollkríggj

Eingin vinnur eitt tollkríggj
- Eingin vinnari er í handilskríggi ella í tollkríggi, skrivar kinesiski leiðarin Xi Jinping í grein
 
14.04.2025 - 09:08

Almennir miðlar í Vjetnam og Kina hava prentað greinina undan vitjanini hjá honum í fleiri londum í landsynnings Asia í hesi vikuni. Í greinini skrivar hann eisini, at Kina og Vjetnam kunnu greiða ósemjur um krøv um havøki í suður Kinahavi við samráðingum.

Xi kom til vjetnamesiska høvuðsstaðin Hanoi tíðliga í morgun. Ferðin til landsynnings Asia er fyrsta almenna ferðin hjá forsetanum í ár, skrivar kinesiska tíðindastovan Xinhua. Xi skal eisini vitja í Malaysia og Kambodja. 

Høvuðsendamálið við ferðini er at styrkja handilssambondini í økinum, og at finna loysnir, sum svara aftur høga tollinum, sum amerikanski forsetin Donald Trump hevur sett í gildi, skrivar Xinhua.

Er kopiera
Nýggjastu sendingar í ÚV
Nýggjastu sendingar í SV
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844