Grannar onga ávirkan

Tekniski stjórin hjá Tórshavna kommunu mælir til at staðfesta byggiloyvið til Røktarheimið í Stórubrekku í Hoyvík.

Hann sigur, at viðmerkingarnar hjá grannunum geva ikki orsøk til at broyta avgerðina frá 6. juni í fjør. 

Byggi- og býarskipanarnevndin tekur undir við tilmælinum.

Men Kári Johansen, býráðslimur, bað um at fáa málið á skránna til býráðsfundin í gjár.

Býráðið umrøddi málið.

Málið hevur verið til hoyringar hjá 22 grannum í Dýrindalsgøtu, Olivantsgøtu, Olgarsgøtu, Sivjugøtu 
og Ovarugøtu.