Nýggja svimjifelagið í Kvívík hevur longu vunnið 80 heiðursmerki

Hálvtannað ár er liðið, síðani Sára Midjord tók stig til at seta svimjifelag í Kvívík á stovn. Áhugin fyri Hellufossi, sum felagið eitur, hevur verið stórur. Fleiri enn 50 børn eru tilmeldað, og fleiri eru í bíðrøð at sleppa við.

Tey vóru við í fyrstu kapping ein mánað eftir, at felagið var sett á stovn, og longu tá komu fyrstu heiðursmerkini í hús.

Hugsjónin hjá Hellufossi er tann sama sum hjá Pippi, sigur forkvinnan - Hetta havi eg ikki roynt fyrr, so tað dugi eg heilt vist.

Hvønn dag í hesi vikuni verður skipað fyri tiltøkum fyri børn, ung, vaksin og eldri.

Á skránni er m.a. pinku- og smábarnasvimjing, pensjonistasvimjing, synkronsvimjing, morgunsvimjing, fimleikur og yoga.

Til ber at lesa meira um skránna her.