Náttúruverndarøki í Mykinesi

Náttúruverndarøki í Mykinesi
Eina verndarkunngerð fyri Lamba og Dalin í Mykinesi, har nógvur lundi heldur til, skal nú møguliga gerast
Endamálið við verndarkunngerðini er at verja lundan í Mykinesi.
 
07.06.2025 - 18:53

Umhvørvisstovan arbeiðir við at gera eina verndarætlan fyri náttúruøki í Mykinesi.

Í hesum sambandi verður skipað fyri fundi í Mykinesi, har staðbundin vitan og sjónarmið skulu savnast inn.

- Endamálið er at kunna um økisvernd, at lýsa øki og náttúruvirðini í økinum og at áhugapartar skulu fáa møguleika at siga frá sínum sjónarmiðjum, sigur Helena Davidsen, náttúrumálsviðgeri í  Umhvørvisstovuni. 

Serliga verður hugsað um eina verndarkunngerð fyri Lamba og Dalin í Mykinesi, har m.a. lundin heldur til.

 

16. juni

Mánadagin 16. juni verður borgarafundur í Mykinesi um møguligt náttúruverndarøki í Mykinesi.

Fundurin verður kl. 15 í dansistovuni og er almennur. 

Málið er gamalt, tí tað var longu 8. juni 2020, at Havstovan, Tjóðsavnið, Umhvørvisstovan og Visit Faroe Islands sendu eina felags áheitan til Yvirfriðingarnevndina um at mæla landsstýrinum til at friða Lamba og Dalin í Mykinesi.

Yvirfriðingarnevndin mælti í skrivi 28. apríl 2021 til at seta í verk friðing fyri at verja lundan í móti ov nógvari ferðslu í økinum í bútíðini hjá lundanum. Men av tí at nýggj náttúruverndarlóg var ávegis, valdi landsstýrið at bíða til nýggja lógin varð sett í gildi.

Á fundinum verður kunnað um tilgongdina, tá arbeitt verður við at gera eina verndarkunngerð, og hvussu staðkend fólk og aðrir áhugapartar kunnu veita upplýsingar um náttúruna og annað, sum er viðkomandi fyri skipan av verndini. 

Jósup siglir í sambandi við fundin.

 

1747686

 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF