Spania vil ikki rinda fimm prosent av BTÚ til verjuna

Spanski forsætisráðharrin, Pedro Sanchez, hevur sent aðalskrivaranum í Nato, Mark Rutte, bræv, har hann heitir á Nato, um at sleppa Spania undan kravinum um at hækka játtanina til verjuna upp í fimm prosent av BTÚ.

Norski uttanríkisráðharrin, Espen Barth Eide, vildi í gjár ikki siga, um hann tekur undir við nýggja málinum hjá Nato.

Eftir fund, sum norski uttanríkisráðharrin hevði við amerikanska uttanríkisráðharran, Marco Rubio, í gjár, sendi Rubio út tíðindaskriv, har hann takkaði Noregi fyri at taka undir við fimm-prosent málinum.

Spanski forsætisráðharrin, Pedro Sanchez, sigur, at fimm-prosent-málið, sum USA hevur skotið upp, er "ósambærligt við okkara vælferðarsamfelag og okkara visjón fyri heimin".