Vilja friða Lamba og Dalin í Mykinesi

Lundin í Mykinesi skal verjast, og tað skal gerast við lóg. Havstovan, Tjóðsavnið, Umhvørvisstovan og Visit Faroe Islands sendu hin 8. juni 2020 eina felags áheitan til Yvirfriðingarnevndina um at mæla landsstýrinum til at friða Lamba og Dalin í Mykinesi.

Í tí sambandi skipaði Umhvørvisstovan fyri borgarafundi í Mykinesi hósdagin.

Finn Hansen er  hagastýrisformaður á Heimangjógv, har Lamba og Dalin eru. Hann tekur undir við friðingunum, men heldur ikki at tað ger so stóran mun, tí økini eru longu stongd fyri ferðafólki.