Nú er Melkart-2 í føroyskum øki

Tað er ein vika síðani, at norskir myndugleikar boðaðu frá, at skip hjá feløgunum Murman Seafood og Norebo fingu bann at koma í norskt øki og norska havn, tí skipini verða mett at vera til vanda fyri trygdina. Somu avgerð tók ES í mai.

Melkart-2 er eitt av skipunum hjá Murman Seafood, og er tað sostatt á svartalista hjá Noreg og hjá ES. Skipið hevur tó fiskiloyvi í Føroyum og harvið loyvi at koma í føroyska havn.

Sirið Stenberg, landsstýriskvinna í uttanríkis- og vinnumálum, segði í síðstu viku, at landsstýrið eftir ólavsøku fer at umrøða, um møguliga fleiri tiltøk skulu setast í verk.

Sólvit Nolsøe, samgongulimur í uttanlandsnevndini, segði eisini í síðstu viku, at hann vónaði, at landsstýrið tók eina avgerð, áðrenn skipið kom til Føroya.

Nú er skipið komið inn um 200 fjórðinga markið. Vørn hevur enn ikki fingið nakra fráboðan um, hvat skipið skal í Føroyum.
 

vikmar.png

LES EISINI:

Melkart-2 er á veg á Klaksvík

Murman Seafood: Søgurnar eru allar íspunnar

Vinmaður Putin hevur tvey fiskiloyvi í Føroyum

Fyrrverandi føroysk skip á svartalista

Uttanlandsnevndarlilmir: Skipini mugu bannast

Landsstýrið tekur støðu til russisk skip eftir ólavsøku

Norskir myndugleikar: Skipini njósnast

Forbodnu skipini hava fiskað í Føroyum

Eru bannað í Noreg og ES og hava fiskiloyvi í Føroyum