- Tíðindi, mentan og ítróttur
Antin gull ella silvur til Føroyar
Antin gull ella silvur til Føroyar
Føroyska badmintonliðið fær antin gull ella silvur í liðkappingini. Tey vunnu tryggan 3-0 sigur á Menorka í liðkappingini, og skulu møta Grønlandi í finaluni í kvøld
Rúni Øster vann satt gýsarasett ímóti mótstøðumanninum av Menorka, og gjørdi arbeiðið liðugt í 2. setti
Mynd: Dánial Olsen
14.07.2025 - 16:40
Tað verður antin gull ella silvur til føroyska badmintonliðiðá oyggjaleikunum í Orknoyggjum.
Føroyar vunnu tryggan 3-0 sigur á Menorka í hálvfinaluni fyrr í dag og skulu spæla ímóti Grønlandi í finaluni klokkan 18.30 í kvøld.
Magnus Dal-Christiansen og Miriam í Grótinum vunnu trygt í blandaðum tvímansleiki, og Miriam í Grótinum smurdi sína mótstøðukvinnu av í einmansleiki við kvinnum.
Spenningurin var størstur í einmansleiki við monnum, har Rúni Øster vann satt gýsarasett til 1-0. Settúrslitið var 27-25, og í 2. setti gjørdi hann arbeiðið liðugt.
Finalan kann stroymast á almennu oyggjaleikasíðuni: Orkney2025.com.
Er kopiera
Nýggjastu sendingar í ÚV
Nýggjastu sendingar í SV
