Netanyahu undir trýsti

Stuðulin til ísraelska forsætisráðharran, Benjamin Netanyahu, hevur fingið eitt álvarsligt skot fyri bógvin, nú ein av samgonguflokkunum, tann ultraortodoksi United Torah Judaism, mánakvøldið boðaði frá, at flokkurin fer úr ísraelsku stjórnini, og við tí minkar meirilutin hjá Netanyahu munandi.

Orsøkin er ein drúgv ósemja um eitt lógaruppskot, sum segði, at ultraortodoks yeshida-fólk skuldu sleppa undan hertænastu í landinum, skrivar danska kringvarpið. 

- Netanyahu hevur súltað hetta lógaruppskotið, og nú gav tað at bíta, sigur Nanna Muus Steffensen, útsent tíðindafólk hjá DR.

Nú hevur stjórnin hjá Benjamin Netanyahu bert stuðul frá 61 av teimum 120 limunum í Knesset, og tí hevur forsætisráðharrin skund at fáa stuðulin frá teimum ultraortodoksu aftur. Tað skulu ganga 48 tímar, áðrenn fráboðanin fær gildi.

Fer ultraortodoksi United Torah Judaism úr stjórnini, sum fráboðað, so kann tað fáa ávirkan fyri friðarsamráðingarnar við Hamas, heldur Nanna Muus Steffensen.