Altjóða granskingartoymi kannar mikroplast dálking í Føroyum

Hesar dagar er eitt altjóða toymi á rannsóknarferð í Føroyum, sum partur av einari størri granskingarætlan, ið kannar mikro- og nanoplast dálking. 

Toymið vitjar sjey ymsar heimspartar, og kannar eftir býtið av nano- og mikroplasti um allan heimin, serliga í víðgongdum og fjarum umhvørvum.

Dr. Maureen Raymo frá Columbia University stendur á odda fyri granskingini, og ferðast um heimin saman við Alan Chambers og Billy Perham.

Tey eru í Føroyum í 10 dagar tilsamans, og taka royndir frá ymsum vøtnum og økjum í landinum.

Um verkætlanina sigur Maureen Raymo, at endamálið er ta vísindaliga, men eisini er tað fyri at skapa tilvitsku um mikro- og nanoplast:

- Tað er øgiliga heilsuskaðiligt og tað er dálking. Nanoplast kann treingja seg inn í lunguni og í blóðrenslið.

- Granskarar í okkara royndarstovu hava funnið hetta plastið í lívmóðrini hjá barnakonum.
 

Les meira um verkætlanina her:

https://edition.cnn.com/2025/07/01/science/explorer-world-remote-nanopla...

Sí innslag úr Degi og viku, tá vit eru við teimum á Gróthúsvatni.