Nattúran í Tórshavnar kommunu verður skrásett

Tórshavnar kommuna hevur onga lendisætlan, og sambært kommununi er vitanin um lendissløg, vistskipanir og náttúruvirði ov avmarkað.
Tí er Tórshavnar kommuna farin í gongd við at skráseta náttúruna.

Skrásetingin skal millum annað vísa, hvørji øki eru serliga viðkvom ella hótt, og hvar serlig atlit eiga at takast, tá bygging, landbúnaður og onnur lendisnýtsla verða løgd til rættis.

Tórshavnar kommuna stendur á odda fyri verkætlanin, ísamstarv við Tjóðsavnið og norska stovnin NIBIO, Norsk institutt for bioøkonomi.
Verkætlanin er býtt í tríggjar partar, og er fyrsti partur av verkætlanini farin í gongd og mettur at kosta 400.000 kr. 

Skrásetingin av lendinum tekur væntandi 3 á og verður partur av grundarlagnum undir eini framtíðar lendisætlan fyri alla Tórshavnar kommunu.

Hoyr samrøðu við Heidi Holm, sum starvast á Umhvørvisdeildini hjá Tórshavnar kommunu