Royndi bara í fýra dagar

Russiski trolarin Melkart 2 er nú komin til Murmansk.

Hann fiskaði bara í fýra dagar í føroyskum sjógvi.

Trolarin boðaði Vørn frá, at hann hevði 89 tons, 84 tons av makreli og fimm tons av sild, tá hann fór av fiskileið.

Melkart 2 kom til Ánirnar seinnapartin 15. juli at bunkra og proviantera.

Tveir dagar seinni fór hann til fiskiskap eystan fyri Føroyar.

Og har royndi hann bara í fýra dagar, og er nú í Murmansk.