Gripirnir goymast innan Glyvur

Gripirnir goymast innan Glyvur
Fimm milliónir eru játtaðir til verkætlanina í ár
 
03.08.2025 - 14:53

Nýggi goymslubygningurin hjá Tjóðsavninum verður mest sannlíkt bygdur í Eysturoynni. 

Í ískoytispartinum til ólavsøkurøðu løgmans verður upplýst, at Tjóðsavnið og Landsverk hava mælt landsstýrinum til at ogna sær eitt grundstykki Innan Glyvur til nýggjan goymslubygning.

5 milliónir eru játtaðar á fíggjarlógini til at útvega grundøki og gera byggiskrá í ár. 

Tað var á várið 2024, at blámusoppavøkstur varð staðfestur í goymsluni hjá Tjóðsavninum í Brekkutúni 6  í Hoyvík. 

Neyðugt var tí at reinsa og flyta gripirnar úr savninum og inn í fyribils hølir.

List og fornminni goymast saman
Tað er tó ikki bara gripirnir hjá Tjóðsavninum, sum er hóttir av blámusoppi. 

Sambært ískoytispartinum til røðuna er eisini farið undir arbeiðið at reinsa og flyta listaverkini úr goymsluni á Listasavni Føroya orsaka av blámu-soppavøkstri.

Arbeiðið verður framt í 2025 og 2026 og er mett at kosta 6 mió. kr. íroknað konservering av fleiri listaverkum.

Í ískoytispartinum verður nevnt, at goymslan hjá Listasavninum er ov lítil, og ein langtíðarloysn er, at goymslan hjá Listasavninum verður hýst saman við nýggju goymsluni hjá Tjóðsavninum.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592