Gevst í politikki - verður kommunustjóri í Vestmanna

Sólvit E. Nolsø er settur í starvið sum kommunustjóri í Vestmanna kommunu. 

Sólvit E. Nolsø er 39 ára gamal. Hann er ættaður úr Dali, men být í Havn.

Hann er útbúgvin MA í politikki og MA í evropeiskum viðurskiftum, og hevur júst lokið diplomútbúgving í leiðslu.

Sólvit E. Nolsø hevur starvast sum tíðindamaður, hevur verið landsstýrismaður í almannamálum, og er í løtuni løgtingsmaður fyri Framsókn.

Tá ið hann byrjar í nýggja starvinum, gevst hann í løgtinginum og sigur tingsessin frá sær.

Løgtingsvalið 2022, flokkarnir í Norðurlandahúsinum Sólvit Nolsøe

Sólvit E. Nolsø valkvøldið í 2022, tá hann var valdur í løgtingið fyri Framsókn. Frammanundan hevði hann m.a. verið landsstýrismaður fyri Fólkaflokkin í almannamálum. (Mynd: Bjarni Árting Rubeksen)

Næsti maður á listanum hjá Framsókn er Árni M. Dam. 

Kommunustjórin í Vestmanna hevur tvíbýttan leiklut sum fremsti ráðgevi hjá borgarstjóranum og bygdarráðnum, og er eisini umsitingar- og starvsfólkaleiðari.

Í Vestmanna kommunu starvast umleið 100 fólk.

Sólvit E. Nolsø byrjar í starvinum mánadagin 25. august.

Seks umsóknir vóru til starvið sum kommunustjóri í Vestmanna.