Umboðsmaðurin fekk 115 klagur í fjør - 91 vóru avgreiddar

Formansskapurin í løgtinginum hevur biðið løgtingið góðkenna ársfrágreiðingina hjá Løgtingsins umboðsmannni fyri 2024.

Í 2024 fekk umboðsmaðurin 115 klagur. 91 teirra vóru avgreiddar í fjør.

Harumframt vóru í fjør avgreiddar 13 klagur frá undanfarnum árum. 

Nakað fleiri klagur vóru í fjør enn árini 2021-2023.

11 klagur, sum vóru avgreiddar í fjør, endaðu við niðurstøðum í antin áliti ella í skrivi. 

63 klagur vóru avgreiddar við aðrari viðgerð enn niðurstøðu. 30 klagur vóru avvístar.

Sjey átalur

Í sjey málum gav umboðsmaðurin átalu.

Formansskapurin í løgtinginum hevur biðið løgtingið góðkenna ársfrágreiðingina hjá Løgtingsins umboðsmannni fyri 2024.

Umboðsmaðurin tók upp seks mál av sínum eintingum í fjør.

Finnur umboðsmaðurin lýti í galdandi lógum, fyriskipanum ella umsitingarligum avgerðum, skal hann boða løgtinginum og viðkomandi landsstýrisfólki frá.

Ein slík fráboðan var í fjør. Hon var um Umhvørvismálaráðið og byggi- og býarskipanarlógina.